Qazaqstanda amerıkalyq GE kompanııasynyń akademııasy ashylady

<p>Densaýlyq saqtaý mınıstri Ajar Ǵınııat Memleket basshysy Qasym-Jomart Toqaevtyń GE Healthcare kompanııasynyń Eýropa, Taıaý Shyǵys jáne Afrıka boıynsha prezıdenti Rob Ýoltonmen ótkizgen kezdesýiniń nátıjesi jóninde pikir bildirdi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«Memleket basshysy Qasym-Jomart Kemelulynyń densaýlyq saqtaý salasyna ınvestıtsııa tartý, otandyq óndiristi damytý jónindegi tapsyrmasy bar. Sol tapsyrma boıynsha búgin Amerıka jerinde amerıkalyq GE Healthcare kompanııasymen úlken kelisimge qol qoıyldy. GE Healthcare – dúnıejúzinde medıtsınalyq apparattar, qural-jabdyqtar shyǵaratyn eń úzdik jetekshi kompanııalardyń biri. 100 jyldyq tájirıbesi bar, dúnıejúziniń medıtsınalyq uıymdaryn apparattarmen, qural-jabdyqtarmen qamtamasyz etedi. Elimizde de medıtsınalyq mekemelerde qyzmetkerler osy apparattarmen jumys isteıdi. Sońǵy 10 jyldyń ishinde 3 myńǵa jýyq apparattar men qural-jadbyqtar alyndy», - dedi Ajar Ǵınııat.

Onyń dereginshe, elimizde osy óndirýkshiniń 80-ge jýyq ártúri qural-jabdyqtary men apparattary tirkelgen. Al qol qoıylǵan kelisimge sáıkes, elimizde ýltradybystyq apparattar, kompıýterlik tomograf apparattary shyǵarylatyn bolady. Sol medıtsınalyq apparattardy jóndeıtin servıstik qyzmet ortalyǵy ashylady.

«Munan bólek GE akademııasy ashylyp, medıtsınalyq qyzmetkerler, bıoınjenerler daıyndalady. Elimizdiń kadrlyq áleýeti artady. Sonymen qatar GE kompanııasymen birge medıtsına salasyndaǵy ártúrli dıagnostıkalyq apparattardyń barlyq sýreti jınalyp, úlken ulttyq arhıv jasalady. Densaýlyq saqtaý salasynda dıagnostıkalaýdy jaqsartatyn úlken joba qarastyryp jatyrmyz. Bul kelisimniń nátıjesinde elimizge keletin ınvesıttsııa somasy 60 mln dollardan asady»,- dedi Densaýlyq saqtaý mınıstr.