Agenttik týraly

«QazAqparat» halyqaralyq aqparat agenttigi – Qazaqstan Respýblıkasyndaǵy halyqaralyq mártebege ıe bolǵan alǵashqy jetekshi memlekettik aqparat agenttigi.

QazAqparat 100 jyldan astam ýaqyt ishinde saıasat, ekonomıka, bilim berý, densaýlyq saqtaý, sport, mádenıet jáne qoǵam ómiriniń basqa da mańyzdy salalary týraly senimdi jáne jedel aqparat taratyp keledi.

QazAqparat arqyly Prezıdent Ákimshiliginiń, Parlamenttiń, Úkimettiń, aımaqtyq bılik organdarynyń, ulttyq qarjylyq jáne ónerkásiptik qurylymdardyń qyzmeti týraly resmı aqparat taratylady.

QazAqparat jańalyqtary qazaq, orys, aǵylshyn, qytaı, ózbek tilderinde qoljetimdi. Sonymen qatar, sheteldegi qandastarymyz úshin jańalyqtar latyn grafıkasynda jáne tóte jazýmen beriledi.

«QazAqparat» HAA-nyń ortalyq keńsesi Qazaqstannyń astanasy Astana qalasynda ornalasqan. Elimizdiń barlyq óńirlerinde aqparat agenttiginiń menshikti tilshileri jumys isteıdi.Reseı, Qytaı, Túrkııa, Eýropa, Ázerbaıjan, Ózbekstan, Qyrǵyzstan jáne Iordanııada da menshikti tilshileri bar. Búgingi tańda «QazAqparat» HAA qoldanýshylarynyń geografııasy álemniń barlyq elderin qamtıdy.

Qoǵam («Qazaqstan Respýblıkasy Prezıdentiniń Teleradıokesheni» KEAQ) óz qyzmetinde Qazaqstan Respýblıkasynyń Konstıtýtsııasyn, Qazaqstan Respýblıkasynyń qoldanystaǵy zańnamasyn, sondaı-aq Qoǵamnyń jarǵysyn basshylyqqa alady.

Qoǵam mynadaı negizgi qyzmet túrlerin júzege asyrady:

1. beıne, aýdıo, kıno jáne fotoqujattardy jasaý, jınaqtaý, óńdeý, sondaı-aq olardy qalpyna keltirý jáne júıeleý;
2. Qazaqstan Respýblıkasy Prezıdentiniń, Qazaqstan Respýblıkasy Tuńǵysh Prezıdenti – Elbasynyń jeke muraǵaty men elimizdiń Memlekettik muraǵaty úshin beıne, aýdıo, kınofılmder qoryn qurý;
3. beınefılmder men tele-, radıobaǵdarlamalar jasaý jáne taratý;
4. qoǵam qurý maqsattaryna qaıshy kelmeıtin aqparattyq qyzmetter kórsetý;
5. Qazaqstan Respýblıkasynyń memlekettik saıasatyn qoldaý sheńberinde, onyń ishinde ınternette, eldiń saıası, ekonomıkalyq jáne mádenı ómirine qatysty aqparatty jedel taratý, sondaı-aq aqparattyq-pýblıtsıstıkalyq jumysty júzege asyrý; Qazaqstan Respýblıkasynyń álemdik qoǵamdastyqta oń halyqaralyq ımıdjin qalyptastyrý;
6. Internet jelisinde jarnamalyq keńistikti usyný (satý) boıynsha qyzmetterdi kórsetý;
7. Derekqordy basqarý júıelerin paıdalana otyryp, portaldar men veb-jobalardy algorıtmdeý;
8. Internet jelisindegi memlekettik elektrondyq aqparattyq portaldardy aqparattyq basqarý, júrgizý jáne qoldaý;
9. Internet jelisinde aqparatty óńdeýdiń ınnovatsııalyq quraldaryn paıdalana otyryp, derekterdi ornalastyrý jáne óńdeý boıynsha qyzmetterdi kórsetý; (QazAqparat)
10. Qazaqstan Respýblıkasynyń jáne basqa memleketterdiń aýmaǵynda teleradıo habarlaryn taratýdy uıymdastyrý;
11. menshikti jyljymaıtyn múlikti jalǵa berý jáne basqarý;
12. jarnamalyq ónimdi óndirý jáne ony teledıdar men radıoda taratý;
13. televızııalyq jáne radıobaǵdarlamalardy shyǵarý, dybystaý, tırajdaý;
14. baǵdarlamalardy, kıno -, aýdıo -, beıne- jáne basqa da ónimderdi óndirý jáne aınalysqa jiberý (satyp alý - satý, aıyrbastaý, prokat jáne t. b.);
15. beıne, aýdıoónimge jáne ózge de zııatkerlik menshikke avtorlyq jáne sabaqtas quqyqtardy satyp alý;
16. Qazaqstan Respýblıkasynda jáne shetelde tele-, kıno-, aýdıo-, beıneónimderdi óndirýge tapsyrystardy ornalastyrý jáne oryndaý;
17. teledıdar sıgnalyn efırlik, spýtnıktik, kabeldik, symdy, tsıfrlyq baılanys arnalary jáne relelik jeliler arqyly jetkizý jáne taratý arqyly translıatsııalaý;
18. jergilikti jeliler jelisin paıdalana otyryp, telekommýnıkatsııa qyzmetterin qospaǵanda, qoldanystaǵy jáne jańa efırlik, spýtnıktik, kabeldik jáne ózge de baılanys júıelerin paıdalaný;
19. Qazaqstan Respýblıkasynyń zańnamasynda tyıym salynbaǵan aqparattyq jáne basqa da qyzmetterdi usyný;
20. teleradıo habarlaryn taratý salasynda baǵdarlamalyq ónimderdi ázirleý jónindegi jobalardy daıyndaý jáne iske asyrý.

«QazAqparat» HAA» shtatynda tájirıbeli tilshiler - Qazaqstan Respýblıkasy Prezıdenti syılyǵynyń laýreattary, halyqaralyq jáne óńirlik konkýrstardyń jeńimpazdary, qurmetti ataq pen syılyqtardyń ıegerleri qyzmet etedi.

Halyqaralyq yntymaqtastyq salasyndaǵy aqparat

«QazAqparat» HAA álem boıynsha 50-ge jýyq aqparat agenttigimen memorandýmdar sheńberinde yntymaqtasady, sonyń ishinde TASS (Reseı), IRNA (Iran), ANSA (Italııa), YONHAP (Koreıa Respýblıkasy), MONTsAME (Mońǵolııa), Anadolu Agency (Túrkııa), Kyodo (Japonııa), MTI / DUNA (Vengrııa), ÝzA (Ózbekstan), FENA (Bosnııa jáne Gertsegovına), AZERTADJ (Ázerbaıjan), TREND (Ázerbaıjan), Armenpress (Armenııa), BelTA (Belarýs), MENA (Egıpet), Sınhýa (Qytaı), HOVAR (Tájikstan), KABAR (Qyrǵyz Respýblıkasy), Tatar-ınform (Tatarstan Respýblıkasy, RF), Bashınform (Bashqurtstan, RF), TASR (Slovak Respýblıkasy) bar.

Sonymen qatar, «QazAqparat» OANA halyqaralyq aqparat agenttikteri qaýymdastyǵynyń (Azııa jáne Tynyq muhıt elderiniń aqparattyq agenttikter uıymy), TMD Ulttyq aqparat agenttikteri qaýymdastyǵynyń (ANIA), túrkitildes elderdiń aqparattyq agenttikter uıymynyń (TKA), "Bir beldeý – bir jol" jańalyqtar jelisiniń (BRNN) múshesi.

Tarıh betteri

• 1920 jyly – «ROSTA-nyń» Orynbor-Torǵaı bólimshesi retinde Qazaqstan aýmaǵyndaǵy birinshi aqparat agenttigi quryldy
• 1925 jyly - Agenttik ataýy KazROST dep ózgertildi.
• 1937 jyly - Agenttik QazTAG ataýymen Qazaq KSR Mınıstrler Keńesine berildi.
• 1997 jyly – «Qazaq aqparat agenttigi (QazAAG)» respýblıkalyq memlekettik kásiporny bolyp qaıta ataldy.
• 2002 jyly - QazAAG bazasynda «Qazaq aqparat agenttigi» ulttyq kompanııasy («QazAqparat»UK) quryldy.
• 2008 jyly – «QazAqparat» UQ» AQ «Arna Medıa» ulttyq aqparattyq holdıngi» aktsıonerlik qoǵamynyń quramyna kirdi.
• 2013 jyly - «QazAqparat» Halyqaralyq aqparat agenttigi» JShS retinde quryldy.
• 2019 jyly – «QazAqparat» Halyqaralyq aqparat agenttigi» AQ bolyp qaıta quryldy.
• 2020 jyly - «QazAqparat» Halyqaralyq aqparat agenttigi» AQ quramyna «QazKontent» AQ qosylyp, qaıta quryldy.
• 2022 jyly - «QazAqparat» Halyqaralyq aqparat agenttigi «Qazaqstan Respýblıkasy Prezıdentiniń teleradıokesheni» KEAQ quramyna qosylý arqyly qaıta quryldy.

Agenttikti túrli jyldary basqarǵan basshylar:

• Arkadıı Ivanovıch VıATICh-KIRILLOV
• Konstantın NEFEDOV
• Júsip ALTAIBAEV
• Keńesbaı ÚSEBAEV
• Qasym ShARІPOV
• Kákimjan QAZYBAEV
• Jumaǵalı SMAǴULOV
• Amangeldi AHMETÁLІMOV
• Murat ARENOV
• Ǵadilbek ShALAHMETOV
• Janaı Seıtjanuly OMAROV
• Dáýren Keńesuly DIıAROV
• Ásel Dýlatqyzy TÓLEGENOVA
• Asqar Kýanyshuly ÝMAROV
• Eldos Bıgeldiuly NÁShІRÁLІ

Derekteme

1. Aqparat agenttiginiń ataýy: «Qazaqparat» halyqaralyq aqparat agenttigi –«QazAqparat» HAA
2. Aqparat agenttigi nemese ınternet-basylymnyń menshik ıesiniń ataýy: «Qazaqstan Respýblıkasy Prezıdentiniń Teleradıokesheni» kommertsııalyq emes aktsıonerlik qoǵamy
3. Bas redaktordyń aty-jóni: Nýrýmbetova D.R.
4. Tirkeý týraly kýáliktiń nómiri men kúni jáne ony bergen organnyń ataýy: № KZ80VPY00048059, 2022 jylǵy 15 sáýirdegi Qazaqstan Respýblıkasy Aqparat jáne qoǵamdyq damý mınıstrliginiń Aqparat komıteti.
5. Redaktsııanyń baılanys derekteri (poshtalyq mekenjaıy, telefony, elektrondy mekenjaıy): Astana q., Aqmeshit 3, «Park Line» bıznes ortalyǵy